حلو الواحدّ يحب نفسه ، يعشقْ
ذاته .. و مغرمْ بشخصيته و أسلوبه , روتين حياته مختلف .. السيناريو اللي عايش فيه
مش ممكن , بين الدراما و الواقع و الكل يتمنى يكون و لو جزء بسيط مثل هالشخص !
الكثير من الناس يسمون هالشي " غرور " و لكن من وجهة نظري و بكل تواضُعْ
أقول هالشي ممكن يكون " ثقة " ...
جميل جداً الواحد يكون واثق ب كل
خطوة يسويها ف حياته و جريء و لكن جرأته تكون جرأة بحدود .. في نوعين من الجرأة /
جرأة ب أدب ، و جرأة زايده عن حدها و اللي يسمونها " وقاحة " و قلة أدب
بمعنى آخر .. جريء ب أخلاقك و أسلوبك تتلون حياتك تقدر تشوف دنيتِك ب طبع حلو ,
انته اللي تحليها ب ايجابيتك للحياة مش السلبيه ، عمرها السلبيه ماراح تكون حل ل
مشاكلك بالعكس راح تكون عائق ل يومك و راح تشوف !
مثلاً ...
قررت تقوم من الصبح عشان تعبي
بترول ف السياره و مستعيل عشان الدوام !
قايم و انته رايق لكن صار
لك موقف عفس لك اليوم ب كبره ، عند الباب انشقت ال كندورة او اللبس ! تنرفزت و
قررت تبدل .... بدلت و رجعت مرة ثانيه السياره ، التاير خربان !!!! " لا حول
و لا قوة الا بالله " تميت مدة تصلحّ التاير ، و تأخرت و هذا كله ضاع من وقتك
, بعد ما صلحته و تأكدت من سلامة السياره رحت عند المحطة تقضي هال شغله قبل الدوام
، و لكن زحمة ناس فضيعه ! تسأل : شو مستوي ؟ يقولولك و الله حادث شباب / !!!!!
حادث !!!!! قبل ربع او نص ساعه ... قال الله تعالى : وَ عسى أنْ تكرهوا شيئاً و
هُوَ خيرٌ لكم * . ممكن انته تكون مكان هاللي سوو الحادث ، سبحان الله .. الله
حفظك و أخرك عن وايد أشياء ,
ف لو تاخذ الموضوع ب إيجابيه و
راحة و على يقينّ ب ربنا و اللي كاتبه .. تتنرفز عند مصيبه لكن تذكر الله و تهدي
من نفسك ، لان كل شي ربنا كاتبه بيستوي .. مش برودْ ! و لكن تهدئة للنفس ..
في ناس جداً سلبيه و تأثر باللي
حولها ، و لو يييت تتكلم و تنصح هالشخص مستحيل يسمعِكْ لأنه خلاص ! حاط ف باله هال
فكرة و مستحيل يغيرها و حتى لو هي شينه ... سلبي ب شكل فضيع شايف الحياة من جهة
سودة .. منكِّد على نفسه و على اللي حوله و عصبي و ما يعطي مجال للمناقشه أبداً /
وقتها ب ايدك هل بيأثر فيك ؟ بتمسك أعصابك من ناحيته ؟ او بتاخذ الموضوع أكثر
إيجابيه و ع قد ما تسمع منه و من سلبيته للحياة بتظل الحياة حلوة بالنسبه لك ....
المواقف كثيرة و ما تخلص
و لكن لا توقف عند أي شخصّ يقول
هذا و الله مغرور و شايفْ نفسه ، بالعكس .. ثقة الشخص بنفسه أحلى شي و إيجابيتكِ
للحياة تبني سعادتك .
9.3.2014
ليست هناك تعليقات:
إرسال تعليق