عدوُّك الأول هو أقرب أصدقائِك !

احساس الخوفّ .. الخوف من القلوب اللي تتغيَّر / انك تفقد انسان عايش حولك و يتغير عليك ! صدق شي يخرع و يخليك تخاف ! و هذا النوع من الأشخاص اللي تضرب فيهم المثل ك عشرة عمر ما تبدل بكنوز الدنيا و بعد فترة تكتشف انِّك هذاك المخدوع .. يعني كل اللي خفت منه صار ، صرت انته مقصوص عليك لأنك صدقت فيوم من الأيام بأنهم ناس يسوون ، صرت انته مغفل لأنهم استغفلوك و أوحوا لك بأن هم اللي تقدر تشتري عشرتهم بفلوس الدنيا هذي كلها !! أوحوا لك بأنهم مستحيل يبتعدون عنك و ابتعدوا عنك ، عطوك كل الأشياء اللي تخاف منها ب شي واحد ( غيابهم و تغيرهم عليك ) .  الخوف .. الخوف .. الخوف من هذاك اللي يعرف كل اسرارك ، اللي صدق يحبك و تحبه / لا تخاف منه بصورة سلبية لا ، خاف منه اذا تغير عليك شو ممكن يسوي ؟ يقولكم : عدوِّك الاول هو اقرب أصدقاءك ، لأنه اذا تغير عليك راح تحس بفراغ من داخل يعور قلبك .. احلى شي ممكن انته تقيس فيه هذي الاشيا عشان تعرف اذا تخاف او ما تخاف و منو اللي ينخاف منه و اللي ما ينخاف منه ببساطة ، ( المواقف ) ... شكرًا يا مواقف لانج علمتيني منو اللي ينخاف منه و منو اللي ما أخاف منه .. شكرًا يا مواقف لان اللي لابس صورة ملاك على وجه الارض ،  ظهر لي بان هذا اللبس اللي لابسة بادعاء انه ملاك فهو ممكن يكون انسان جداً خبيث ، و الخبث اللي هو فيه ممكن يأذيني بعد فترة ، شكراً !! شكراً للمواقف و اللي حتى لو كانت بسيطة او صغيرة بنظرة من عيونه شفت النفاق ، لان لا بالموقف الاول و لا الثاني .. و لا التجارب اللي احتاجك فيها معاي الحلوة كانت او مرة كنت معاي فيها .. انته اللي اخاف منك ، جد ! اخاف منك ما اخاف عليك ، لان انته اللي وعدتني انك ما راح تتغير علي .. هههه اليوم اشوفك متغير علي و لا ادري شو متوقع منك بعد .. لكن ما اخاف عليك / تبي تتغير ؟ تغير و تبي تروح بعيد ؟ روح بعيد .... ( اذكرني بس بكلمة حلوة منك ) و من خاف سلم #نزارية 💭✒️